លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា ចេញលិខិតថ្លែងអំណរគុណ ឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន ដែលបានផ្តល់មេធាវី ចំនួន០២រូបគឺ មេធាវី ហាវ ស៊ីណាត និង មេធាវី សេង ប្រណិត ដើម្បីការពារក្តីនៅសាលាដំបូងខេត្តកំពត ជូន លោក ទន់ ម៉ូវ ចាងហ្វាង គេហទំព័រកំពតដេលី និង លោកស្រី ធី សុផល ចាងហ្វាងគេហទំព័រ សម្លេងចៅកម្សត់ តាមសំណើររបស់សមាគម។ ថែមទាំងបានជួយឧបត្ថម្ភជំនួយមនុស្សធម៌ជា ថវិកានិងគ្រឿងបរិភោគ តាមរយៈសមាគមជូន លោកស្រីចាងហ្វាង ធី សុផល ដែលជាស្ត្រីមេម៉ាយក្រីក្រចិញ្ចឹមកូន០៣នាក់ក្នុងបន្ទុកដែលនៅជាអនីតិជនទៀតផង។
