ព្រឹកថ្ងៃទី២២ ខែសីហា ឆ្នាំ២០២៣ នេះ កំណាត់ផ្លូវលេខ៧០១ ដែលរងការខូចខាតពិបាកក្នុងការធ្វើដំណើរដោយសារមានជង្ហុក កំពុងធ្វើការជួសជុលជាបណ្ដោះអាសន្នសិន បន្ទាប់មកនឹងចាក់ផ្លូវបេតុងនាពេលខាងមុខបន្តទៀត។
ក្នុងរយៈពេលកន្លងទៅ ក្នុងភូមិសាស្រ្ត ក្រុងកំពតមានភ្លៀងធ្លាក់បន្តជាប់គ្នាជាច្រើនថ្ងៃ ដូច្នេះទេីបគ្រឿងចក្រមិនអាចធ្វើការជួសជុលបាន។
ក្រោមយន្តការដឹកនាំ និងយកចិត្តទុកដាក់របស់ ឯកឧត្ដម ម៉ៅ ធនិន អភិបាល នៃគណៈអភិបាល ខេត្តកំពត ក៏បានឱ្យក្រុមកាងារខេត្ត ក្រោយពេលដាច់ទឹកភ្លៀងត្រូវតែចុះជួសជុលផ្លូវដែលរងការខូចខាត ហើយផ្លូវដែលស្ថាបនាថ្មីក្នុងក្រុងជាផ្លូវបេតុងទាំងអស់ ដេីម្បីធានាគុណភាពបានយូរ ស្របទៅតាមស្ថានភាពធាតុអាកាសក្នុងខេត្ត ឲ្យបានឆាប់រួចរាល់ បច្ចុប្បន្ននេះផ្លូវបេតុងថ្មី ក៏កំពុងតែមមាញឹកស្ថាបនា និងផ្លូវកំពុងខូចខាតក៏កំពុងតែជួសជុលផងដែរ៕
