នៅវេលាម៉ោង០៨:២០នាទីព្រឹក ថ្ងៃទី០៦ ខែមករា ឆ្នាំ២០២៤ មានករណីអគ្គិភ័យមួយកន្លែងកើតឡើងនៅចំណុចការដ្ឋានកំពុងសាងសង់ ស្ថិតនៅដីឡូលេខ ១៧៥ ផ្លូវ២០១ កែងផ្លូវ ២៩៦ ភូមិ២ សង្កាត់ទួលស្វាយព្រៃ២ ខណ្ឌបឹងកេងកង។
ហេតុការណ៍អគ្គិភ័យឆាបឆេះនេះបណ្តាលមកពីកាត់ដែកធ្លាក់កំទេចភើ្លងបង្កជាអគិ្គភ័យ។ អគ្គិភ័យនេះធ្វើឲ្យខូចខាតឆេះបន្ទប់ជាន់ក្រោម ទំហំ ០៤ម៉ែត្រx០៤ម៉ែត្រ និងពុំបានឆេះរាលដាលដល់ផ្ទះអ្នកជិតខាងឡើយ។
នៅវេលាម៉ោង០៩:១៥នាទីព្រឹក ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ១២គ្រឿង ប្រេីប្រាស់ទឹកអស់ ចំនួន០៥ឡាន ស្មើរនឹង ២០ម៉ែត្រគូប, រថយន្តអគ្គិភ័យក្រសួងមហាផ្ទៃ ចំនួន០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៤មែត្រគូប, រថយន្តអគ្គិភ័យក្រុមហ៊ុនស្រាបៀរកម្ពុជា ចំនួន០១គ្រឿង ប្រើប្រាស់អស់ ចំនួន ០១ឡានស្មើនឹង ០៦ម៉ែត្រគូប៕
