សមាគមសេរីភាពអ្នកសារព័ត៌មានកម្ពុជា បានចេញញត្តិប្រកាសប្រឆាំង និងថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់ សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា
សមាគមសេរីភាពអ្នកសារព័ត៌មានកម្ពុជា យល់ឃើញថា ផែនការវាយប្រហារដោយដ្រូន ប៉ុនប៉ងធ្វើឃាតក្រុមគ្រួសារថ្នាក់ដឹកនាំកំពូលនៅកម្ពុជាបែបនេះ គឺជាអំពើភេរវកម្មដែលមិន អាចអត់ឱនអោយបាន និងសូមអំពាវនាវដល់ស្ថាប័នមានសមត្ថកិច្ចនៃរាជរដ្ឋាភិបាលកម្ពុជា សូមមេត្តាបើកការស៊ើបអង្កេតវែកមុខ ដើម្បីនាំខ្លួនក្រុមភេរវករនិងបក្ខពួកមកផ្តន្ទាទោសតាមច្បាប់។ ។
សមាគមសេរីភាពអ្នកសារព័ត៌មានកម្ពុជា សូមប្រកាសថ្កោលទោសយ៉ាងដាច់អហង្ការ ចំពោះភេរវជននិងបក្ខពួក ដែលចង់ធ្វើឃាតគ្រួសារថ្នាក់ដឹកនាំកំពូលនៅកម្ពុជា ក៏ដូចជាចង់បំផ្លាញ ភាពសុខសាន្តរបស់ប្រជាពលរដ្ឋ និងសន្តិភាពនៅកម្ពុជា ដើម្បីទាញកម្ពុជាឱ្យធ្លាក់ក្នុងភ្លើងសង្គ្រាមសាជាថ្មី និងវិនាសកម្មដ៏ជូរចត់ដូចអតីតកាល៕
